林子超跣腳跌穿頭
藝人林子超近日參加無綫全新真人騷《盛．舞者》，在拍攝片頭時，因為欄杆濕滑而跣腳受傷，他說：「其實嗰Part舞，一開始係我由欄杆跳落地下，點知成個人跣腳向後跌，個頭首先落地流晒血，染到成件衫都係。」但他堅持完成自己的部分，拍攝4個小時後才揸車到醫院縫針：「我縫針之後有幾日郁唔到，最可惜係條片出街之後，我覺得自己表現未如理想，仲發現當時自己叫工作人用膠紙貼傷口唔好用膠布，真係跌到傻咗！」
而前晚播出的一集，分成3隊作賽，分別是王君馨帶領的《Hot Flavaz》、狄易達帶隊的《Last Attack》及麥秋成的《TX Crew》，由評判即場評分，最高分一隊是麥秋成隊，獲得264分，王君馨跳完氣喘喘。