劇接劇冇得停 免疫系統失調 蔡思貝秘密入院

蔡思貝與陳曉華鬥靚又鬥Fit。

無綫藝人袁偉豪、蔡思貝及陳曉華前晚在九龍城拍攝無綫新劇《廉政行動2022》，飾演ICAC人員的他們，在火鍋店扮食客查案。近日思貝同時為無綫及邵氏的ICAC題材劇集開工，雖然辛苦，但她很享受：「我鍾意拍動作戲嘅爆汗感覺，啲人成日問我係咪有多動症，以前我率性到未埋位時周街拉筋，依家會有番少少矜持。」原本她有場追小巴戲，但之前拍邵氏劇時傷及舊患，被迫押後拍攝，她說：「我都唔知拉傷邊度，未有時間睇醫生。之前我都入咗醫院，因為出風瘌，醫生話免疫系統失調。」

• 蔡思貝與袁偉豪食住火鍋查案。

袁偉豪夾時間造人

而袁偉豪繼續Fit爆示人，他透露已接拍另一劇集，故要多吃操肌：「個角色要有番啲件頭。（有冇諗過增磅演大肥佬？）都想挑戰吓，增磅應該OK，不過肥完又要速減番。」早前有指他狂隊生蠔，想與太太張寶兒「谷B」，他說：「嗰日只係朋友同我食生日飯，我哋有計劃嘅，快o架喇！要同老婆協調吓時間，等我完成手頭上工作就得。（快啲停工？）好似冇得停住，出年先開始打算！」

至於努力減磅的陳曉華終見成績，體重已回復至50kg，她笑言與這Team人合作後瘦得更快：「呢套劇啲人超強戒口。（對住佢哋好大壓力？）我會效法佢哋，佢哋食消夜食一半，袁偉豪食番薯咋！我依家都跟咗佢，忍得好勁！」