馮盈盈趾公爆缸 入院縫6針

由於要包紮腳趾公，馮盈盈着拖鞋錄影節目。

昨日盈盈在助手攙扶下現身《#後生仔》錄影現場，雖然其右腳腳趾公「包到成隻糉」，但未有影響心情，還跟現場工作人員有講有笑，期間遭拍檔封「馮6針」，令她哭笑不得。盈盈表示當時未有為意船上有凸起的鐵片，結果腳趾公遭殃：「現場同事好緊張，同埋見到有塊皮反咗出嚟。跟住我用水沖個傷口，啲血就係咁湧出嚟！」她坦言得知要縫針時，嚇到哭了出來，更指最痛是打麻醉針：「支針一拮落嚟，我就尖叫咗出嚟，全個醫院都聽到。我唔知係咁，因為我第一次縫針咋！」

• 馮盈盈出海時發生意外。