譚仔三哥粉絲 Jay食上癮 林愷鈴貼心家姐 帶細佬歎米線
馮允謙與「最靚星二代」林愷鈴昨日到譚仔三哥米線中環威靈頓街旗艦店朝聖，林愷鈴坦言在加拿大讀書的弟弟每次回港，都會一起食至愛的米線，今次他回港更連續食了幾日。她又大讚弟弟高大靚仔，大有做Model的天分！
歌手馮允謙（Jay）及林愷鈴（Ashley），昨日聯同近日人氣急升的練美娟、徐㴓喬（Asha Cuthbert）、KOL Jessica（陳苡臻）、ViuTV導演Agent. L及歌手梁祐嘉，出席譚仔三哥米線中環威靈頓街旗艦店開幕造勢活動。中環旗艦店將於明日（9日）隆重開幕，店舖以全新國際化形象登場，又推出酒精飲品、串燒、限定湯底及全新米線配料。眾星都表示是譚仔三哥的超級粉絲，其中在加拿大長大的Jay表示以前沒米線食，但在香港食過便上癮！Ashley亦表示與在加拿大讀書的弟弟同樣愛食米線：「佢依家放暑假，一返到嚟香港我就會同佢一齊去食米線，因為佢好掛住，仲連續食咗幾日。」
馮允謙有意合唱
講到已高中畢業的弟弟被讚高大靚仔似足韓星金秀賢，Ashley笑言：「佢真係好高，有1米87，不過佢好寡言，所以畀人感覺cool cool哋。」她大讚弟弟有做Ｍodel的潛質，問到對方可想入行？她說：「佢自己揀，佢點揀我都會支持，但點都會讀咗大學先。」而Jay就透露想與Ashley合作唱歌，大讚對方歌喉很好：「佢把聲好有Jazz嘅感覺。」講到Ashley演戲及唱歌俱佳，她謙稱：「唔好咁講，佢真係過獎，我會努力，我都好鍾意唱歌。」