陳展鵬扮超人氹女
藝人陳展鵬與太太單文柔、麥大力及毛舜筠等，昨日在中環出席品牌活動。展鵬笑指囡囡近期愛上卡通人物，尤其是美人魚，更要他在家中扮超人：「佢要我抱起佢飛，依家唔使做Gym喇！親子互動好開心！」他與太太不抗拒一家三口出席活動，惟待疫情後才會考慮。
麥大力與簡淑兒最近因拍攝無綫節目撻着，他大方談及戀情，透露拍拖個多月：「大家好夾，都鍾意潛水、行山。（最欣賞對方乜嘢？）佢有目標就唔會放棄，生活好健康、好有規律，同我一樣。（女神難唔難追？）總之過程好開心。（一見鍾情？）佢好有吸引力。（依家係咪同居？）唔係，啱啱先開始，不過都有咁嘅可能性。」
至於影后毛舜筠透露8月開始要於半年內拍攝3套電影，皆是演媽媽角色，大感期待。