尊尼前妻做單親媽咪 安芭不育 秘密搵代母生女

安芭前日於社交網上載抱住B女的合照，撰文表示：「我好興奮可以同大家分享呢個消息。4年前，我決定我想要個細路，我想自己話事。我依家好感激我哋女人可以咁樣破格去諗自己命運其中一個最基礎嘅部分，希望我哋去到一個點，就算唔想要戒指而要張嬰兒床係好正常嘅事。我一方面想堅持自己私生活唔關其他人事，但我亦明白自己工作本質要我去處理呢件事。」

「佢係我餘下人生嘅開始」

知情者指安芭因不育而要透過代母生女，女兒於今年4月8日出世，取名Oonagh Paige Heard，中間名字「Paige」是向安芭去年5月離世的母親Paige Heard致敬。安芭形容女兒：「佢係我餘下人生嘅開始。」

主演DC超級英雄片《水行俠》（Aquaman）的安芭，最出名是與尊尼的愛恨情仇，她於2016年申請與尊尼結束1年婚姻，並指控對方家暴，其後庭外和解獲得賠償。尊尼於2018年控告安芭於報章訪問中指他「打老婆」是誹謗，兩人對簿公堂互爆臭史，結果尊尼敗訴。曾公開雙性戀者身份的安芭，曾與科技界富商馬斯克（Elon Musk）短暫拍拖。