真心撐粵劇！李居明算命收入補貼新光

玄學家李居明新劇目《共和三夢》前晚在新光戲院首演，演員龍貫天、呂珊等一同進行敲鑼儀式。李居明表示今次是粵劇界與歌唱界的合作，其中呂珊更將首次演粵劇的經驗獻給他，呂珊坦言難度很高：「今次真係徹夜難眠，多謝大師大膽用我呢個新人，榮幸可以演出中國文化古曲，希望之後仲有機會再演。」龍貫天透露今次一人分飾四角，坦言換裝的時間及角色都要處理。
呂珊首次演粵劇，與龍貫天及李居明合作。
呂珊首次演粵劇，與龍貫天及李居明合作。

另外，李居明透露新光的10年合約即將屆滿：「去到明年3月，依家仲未知會唔會延續，同業主傾緊，呢年半因為疫情都停晒，希望業主可以減收租，依家仲拗緊，欠佢好多錢。（呢2年冇錢賺？）不嬲冇乜錢賺，睇蝕多定蝕少，一直都係赤字，我就係將算命嘅錢蝕喺新光。」

李居明率領眾演員為新劇目開鑼。
  • 李居明率領眾演員為新劇目開鑼。