Yanny為食店宣傳 齋睇唔畀食

組合Super Girls（SG）成員陳穎欣（Yanny）早前為「生煎包皇」蕭唯展（Oscar）的食店「堅信號」拍攝宣傳照，她直言「超級開心」：「因為我好為食，你見我第一次搞生意就同朋友搞餐廳，就知食對我有幾重要。」拍攝當日，她更刻意留肚，以為可以狂食Oscar的招牌小籠包，到達現場才知拍攝時不能進食，令她大叫殘忍︰「有個鏡頭要扮食，將大隻龍蝦放喺口度拍攝，但唔畀吞，好似上緊天堂又落緊地獄咁。」而拍攝亦考其「筷子功」，雙手拿筷子夾小籠包，她笑說：「夾唔實跌落地要換過，不如畀我好過啦！」