「口罩小姐」鄭伊琪密密吸金

口罩小姐冠軍「浩南」鄭伊琪昨日為處女代言保健產品現身宣傳活動，首次做代言人的她表示酬勞很可觀，她指得選美比賽帶挈密密接Job，有電子產品、美妝、頭髮產品等，現時手上有數個合作計劃洽談中。她續透露已簽ViuTV成為旗下藝人，感謝公司給予多個曝光機會：「除咗拍《囝囝女女730》之外，有同193（ERROR成員）拍《晚吹》，仲有同阿Dee拍飲食節目，好多謝佢引薦我一齊做主持。」她表示想嘗試拍劇，自認表情豐富，是表情包，並點名想再同阿Dee合作，問到是否想扮情侶？她笑言可以：「我實食住佢！私下嘅佢唔係點出聲，其實佢適合做我阿哥多啲。（驚同佢拍親熱戲？）唔驚，係唔知我哋外表襯唔襯！」