張智霖爆魔童 心思思執導筒
張智霖（Chilam）與太太袁詠儀（靚靚）每年都會去杭州普陀山祈福，今年亦不例外，更帶同14歲兒子張慕童（魔童）同行。靚靚在社交網分享在當地的合照，並留言：「祝願風調雨順，國泰民安，2021普陀山之旅圓滿完成。」
相中見魔童的身高已經超越父母，另一張大合照中，雖然他戴上口罩，但仍可見其迷人電眼，獲網友激讚高大靚仔，有男神魅力，更建議他出道組男團！
Chilam將參與內地綜藝節目《哥哥的滾燙人生》競逐男團席位，對於網民對兒子的讚美及建議，他受訪時指魔童以學業為重：「佢冇乜唱歌同演戲天分，都係讀書為主。不過今次係一齊接受隔離，佢喺呢段時間構思咗拍啲嘢，好似微電影，但未拍完。我發現佢對剪接幾有天分，可以話係好快手，原來學校有呢樣嘢學！當我哋有日完成呢個Project，就會公諸同好。」