陸詩韻租老竇物業畀足錢

藝人陸詩韻昨日為自家品牌護膚系列的陳列室舉行開幕典禮，獲黃婉曼、譚嘉荃等好友到場支持。她透露這地方是爸爸的物業，現投資百多萬，將整個辦公室重新裝修。提到朋友希望她3年後上市，她笑說：「希望啦！好大壓力，佢哋對我期望好大。」又表示之後會繼續交租給爸爸，笑言沒有「疫情價」：「冇得傾，要收足！爸爸係生意人，都啱嘅。」譚嘉荃則透露之前做生意損手爛腳離場，令她怕怕：「嗰陣賣衫，開咗一間蝕錢，開多間希望平衡番，最後蝕咗6位數離場。」至於黃婉曼就指現時除了開餐廳，亦開始拍片開網上個人頻道。