Archie落閘 同詹天文冇可能
除了3位《聲夢》小花外，男學員冼靖峰（Archie）及何晉樂（Rock）人氣亦不遑多讓，惟焦點集中於戀情上，當中Archie傳與詹天文（Windy）拍拖，日前更被拍得出入女方香閨；而另一男學員孫漢霖又傳與文凱婷秘密撻着，《聲夢》認真戀事多多！
Archie日前偕Rock受訪，首度開腔回應緋聞，他斬釘截鐵表示沒想過與Windy發展，自揭雙方有另一種「關係」︰「我哋係早過比賽就相識，因為跟同一唱歌老師，所以熟啲。嗰次只係好Casual咁食飯，但咁都被影到。」Rock幫口指他們並非情侶，形容女方只是小朋友；而「女主角」Windy亦開Live澄清沒拍拖，暫時以夢想及學業為主。
決賽將至，兩男代表男子組出戰，揚言會互相扶持到底，又講笑希望被安排同組作賽，因Archie唱得比較有Power，可主攻歌曲開首的激昂部分，而Rock可負責尾部抒情位，這樣攜手合作近乎完美！問之後可打算組男團，他們笑說未嘗不可！