被指「食仔無數」裕美怒摑林作
林作前晚在家中開Live主持網上節目《愛情兜巴星》，首集請來女友裕美做嘉賓，他說對方「食仔無數」，裕美嬲到掟咕o臣，最後更打了他幾巴掌。直播前，裕美爆出與林作是無性伴侶，林作承認：「我係香港第一個公開承認對性冇乜興趣同冇太大能力嘅男人，帶起新文化熱潮。」又直言無性關係近一年兼分房瞓，更似離婚夫妻，笑言31歲生日後覺得要養生，沒想過生下一代。裕美覺得2人唯一不夾是她想生BB，她笑說：「但冇諗過同林作生。」
林作口甜舌滑讚女友好靚，靚過前女友麥明詩和女星王敏奕，成功氹回女友，又說平日有做愛情諮詢，收入高過當律師。裕美稱林作是唯一一個「佢愛我，多過我愛佢嘅男友」，故不擔心男友借做「顧問」出軌。