余逸思遇「死敵」速逃
藝人余逸思（Yoshi）、周祉君、李敏及曾贊學（阿神）為ViuTV節目《山旮旯實習生》擔任主持，拉大隊走訪香港山旮旯地方，體驗生活兼推動本土文化。祉君指最印象深刻的是去大澳，親手造一隻獨木舟，惟落水就老貓燒鬚：「細個有玩開，仲考埋證書，但真係隔咗好耐，所以就有啲失手反艇嘅畫面，心靈上受傷，衰囂呀！」
而阿神稱最難忘是來回5個小時行山路接嘉賓，意外踢爆Yoshi怕昆蟲，女方笑言每次見到「死敵」都要速避，繼而再抵死爆祉君大鑊：「驚昆蟲唔緊要，我隔籬嗰個（祉君）驚生果！而我哋仲要去種生果，跟住佢就長期僵硬。」