美國流行天后Britney Spears上周上庭就終止父親監護權的聆訊作供，其歌手妹妹珍美蓮（Jamie Lynn Spears）因沒有為姐姐發聲而捱轟，要關閉社交網的留言功能。
珍美蓮前日終於在網上拍片支持Britney，解釋指本想先讓姐姐開口再作回應，強調自己其實「好愛、好崇拜同支持Britney」，又回應姐姐被禁止生育一事：「呢個係我家姐，如果佢想跑去雨林喺杳無人煙嘅地方生無數個BB，或者想復出樂壇同埋好似以前咁稱霸世界，咁樣係唔會影響到我，因為我係佢唯一嘅妹妹，只關心佢嘅快樂。如果結束監護權或者飛去火星會令佢開心嘅話，我係百分百支持，因為我永遠支持同愛我嘅家姐，只要佢開心就得，所以希望大家繼續為佢祈禱。」