一家之主有壓力 陳柏宇：冇得避！

歌手陳柏宇昨日出席活動時，內裏擺設模擬其新歌《純白》MV的場景，希望大家走進這四面牆的空間，體驗15分鐘沒有手機的感受，同時放下壓力。問他的壓力是甚麼？他坦言：「嚟自舞台上嘅演出，同埋作為一家之主嘅責任，呢啲冇得避，都唔需要避，係推動力。（收入都係壓力？）如果收入唔好就係壓力，依家頂得住。（之前疫情嗰陣呢？）嗰陣有期真係好愁，要慳住使，同埋食老本，依家好彩個市正常番啲。」他表示如果有壓力，只要回家見到妻女便可減壓，又分享囡囡一件趣事：「之前帶佢去朋友屋企玩，佢玩到唔肯走，到我哋真係帶佢走，佢就喊。」