照顧「初哥」菊梓喬 王浩信主動剝
王浩信與菊梓喬（Hana）為劇集《刑偵日記》合唱插曲《蝴蝶效應》，MV甚有復古味道，王浩信大讚：「場景可以話係一卡車廂，又可以話係一間旅店，感覺好似時光隧道，畀人好大幻想空間，好配合我個角色嘅內心世界，多重人格抽離現實，多謝導演嘅心思。」
2人在劇中有對手戲，Hana說：「今次係我第1次正式拍劇，對住好多好專業嘅演員，學到好多嘢，好正！佢好照顧人，好似拍MV時候，我哋身高好有距離，佢主動提出除咗對鞋去遷就我。」她希望開拍續集：「拍劇拍上癮！今次時間比較短，啱啱熟悉咗環境就已經拍完，希望之後有更多演出機會。」