張寶兒爆老公想學揸巴士
張寶兒、陳曉華、謝嘉怡與何依婷等，昨日出席明珠台《光影時刻星期日》記者會，張寶兒早前於網上頻道分享首次揸棍波車的片段，顯得雞手鴨腳，問她是否未能應付？她笑言：「慢慢進步中，因為老公（袁偉豪）架車嘅離合器比較重，所以未習慣。（佢驚咗借車畀你揸？）佢係唔係都驚，車係佢另一個老婆。（呷醋？）識佢第一日已經知。」並爆老公計劃考巴士牌，欲體驗揸大車的感覺。
剛從蘇格蘭返港的謝嘉怡表示，於當地逗留大半個月，出席長輩的喪禮。至於何依婷透露嫲嫲近年身體器官衰竭，要入住療養院，但因疫情而未能探望，她眼濕濕說：「佢哋話如果情況嚴重嘅話，就會畀我哋入去見最後一面，咁我梗係寧願唔見啦！」
