林作忘我練拳揪鍾培生 裕美詐型冇偈傾
林作與鍾培生的「百萬擂台戰」將於9月18日舉行，昨日於九龍灣E-Max舉行記者會。席間大會公布藝人張致恒將與網絡紅人大J對戰，張致恒拍片指首次打擂台，希望大家看到他改變的決心，他透露近期除了練拳，亦跑步練氣及減磅，並多謝太太的支持。
林作在台上指近3個月不斷接受拳擊訓練，揚言每個星期日也會找比鍾培生強勁的拳手作賽，累積了不少實戰經驗，有別於鍾培生在自己的後花園「閃吓閃吓」練拳，他笑說：「快速累積咗好多實戰經驗，到時畀我打到變豬頭。」鍾培生則指要替天行道打爆林作的嘴，懲罰他經常在網上抽水、蝦女仔。
而林作的女友裕美有到場支持，他即場抱起女友展示實力，又笑說：「好滿意依家身形，直情係打死人，相當有信心。」裕美被問到可滿意男友身形時？她說：「由上而下都可以再勁啲，近期佢練拳練到忘我，返到屋企都唔同我傾偈。」