梁敏儀為了生計轉型在蛋糕店打工，早前與她合作電影的任達華昨日接受本報訪問時，讚她能夠自食其力絕對是好事：「佢嘅精神值得大家尊重。疫情令外邊橫風橫雨，但無論如何日子都要過，佢嘅態度相當正面，依家有正職之餘，亦可以等待機會再拍戲，繼續追尋自己嘅興趣。雷雨都總有晴天嘅一日，希望疫情盡快過去。」
昔日與梁敏儀合作無間的張文慈，亦讚舊拍檔想法正面：「職業無分貴賤，自力更生養自己，我覺得冇問題。大家生活都唔容易，希望一切好快過去，相信經過磨練之後，敏儀一定會變得愈嚟愈堅強，我對佢有信心。」