事業戰：杜穎珊體操精英眼瞓難頂
無綫新人杜穎珊（Sandy）憑節目《#後生仔傾吓偈》漸漸為人認識，由首輯做到第4輯，之前亦曾與黃美棋到加拿大拍攝節目《失驚無神極光行》，而劇集方面就演出過《青春不要臉》及《香港愛情故事》，目前忙於為古裝劇《痞子殿下》開工。她受訪時坦言戲份有增加，但「考驗」亦相當大：「因為拍古裝嘅化妝時間需時，有時凌晨就要返到公司化妝，對我嚟講係幾辛苦，因為我習慣早睡早起。」
Sandy喜歡運動，24歲的她原來已有10年瑜伽經驗，更成功考獲瑜伽導師牌：「以前我係香港藝術體操精英隊隊員，亦都去過好多地方好似新加坡、印度參加瑜伽比賽，之前有教班，不過依家因為疫情，都係做私人教練多。」她又喜歡水上活動：「以前讀大學，暑假每個星期都會出海，但入行之後怕曬黑，已經去少咗好多，最近就努力學緊wakesurf。」