埋位啦：陳自瑤黃翠如主持節目互寸

藝人黃翠如、陳自瑤（YoYo）之前因合作劇集《那些我愛過的人》而成為閨蜜，近日二人更有機會為養生節目拍住上擔任主持。眾所周知，YoYo向來是「養生王」，閒時會煲湯進補，飲食方面甚有研究，相反翠如就較隨便。日前她倆出外景，發現新鮮出爐的菠蘿包即忍不住坐低吃，YoYo用筷子相當注重儀態，翠如就貫徹其率性，一手拎起就咬。YoYo笑說：「養生不嬲都好啱我，翠如成日都會亂食嘢，食埋啲唔健康嘅嘢，所以我成日都會提佢，拍呢個節目好多時都忍唔住互寸！」至於翠如表示在節目中學到不少，例如印度人會用黃薑養生，而且每天都會洗鼻令自己更健康。