入稟申終止父親監護權 Britney作供控訴似性奴 被迫戴子宮環

美國39歲流行天后Britney Spears,多年前因精神問題而行為古怪,2008年法庭裁定其父占美(Jamie )成為她的監護人及財產託管人。為擺脫監管,前年她入稟反對父親繼續任其監護人,前日更作供數臭父親,自爆被禁結婚及生育!

Britney未有親身出庭,僅以電話連線方式作供,在長達20分鐘的證詞中,她說:「我只想恢復正常生活,已經13年,真係受夠喇!我並唔係任何人嘅奴隸!」又表示一直不知道可以請求終止監護權。

與前夫奇雲費迪蘭(Kevin Federline)育有兩子的她,一直渴望與男友Sam Asghari結婚及生兒育女,但遭父親禁止,更自爆體內有子宮環:「我聽從監護人指示,唔可以結婚或生仔,我依家體內有子宮環,唔可以懷孕。我想取走子宮環,可以開始嘗試有另一個BB,但呢個所謂嘅團隊唔准我去醫生度取走佢,因為佢哋唔想我有更多小朋友,所以基本上,呢個監護權對我百害而無一利。我值得擁有生活,我整個人生不斷工作,我值得有兩至三年時間休息,做我想做嘅嘢。」

失眠陷瘋癲狀態

Britney直言希望父親入獄:「佢鍾意100,000%控制同傷害自己個女,我父親同任何牽涉呢個監護權嘅人、我經理人公司,佢哋喺我拒絕舉行巡唱時懲罰我,佢哋應該入獄!」

她又表示一直在人前強裝開心:「我向全世界講大話,話自己冇事同開心,但我並唔開心,我瞓唔到,好嬲,簡直係瘋癲!我亦都好沮喪,每日都喊。」她自比生活猶如被性販賣的奴隸,希望監護權在沒有被評估下結束。Britney完成作供後,其父的律師在庭上讀出他的聲明,表示為女兒承受痛苦而感到遺憾,揚言愛她及掛念她。

新歡舊愛力撐

大批Fans在庭外舉牌支持Britney,其男友Sam亦上載身穿「Free Britney(解放Britney自由)」T恤的自拍,並以Britney乳名「獅子」的Emoji打氣,連舊愛歌手Justin Timberlake亦在前一晚罕有公開支持她,留言:「我哋呢個時候應該全部支持Britney,無論情況好同壞,發生喺佢身上嘅嘢係唔啱嘅。」希望法官作出適當裁決。此外,美國兩大女歌手Halsey與瑪莉亞卡里(Mariah Carey),亦在社交網為Britney打氣,叫她堅強。