楊洛婷與老公Tim育有一女，早前她懷上第2胎，有感可能是最後一次懷孕，所以不時拍片跟觀眾分享懷孕的心路歷程，希望幫助有意為人母的女性。談到愛女Tanya對於家庭新成員的反應，楊洛婷稱囡囡很開心：「佢成日問我，Baby幾時出嚟，我話等我個肚愈來愈大，佢就會出嚟，我每次沖涼，佢都會走入嚟睇吓我個肚有冇大到，又攞相機影我，好搞笑。」
