山窮水盡遇貴人 Gin Lee淪為「孤兒」郭偉亮江湖救急
歌手李幸倪（Gin Lee）為無綫節目《尋找家香情》擔任嘉賓，更請來她首支廣東歌監製郭偉亮（Eric Kwok）一同接受訪問，分享由馬來西亞來港發展的經歷。她來港11年，由完全不懂廣東話，到現時唱廣東歌獨當一面，箇中辛酸只有自己知，她說：「當年嚟到香港日日朝10晚11去睇電視、睇劇、睇新聞、聽電台去學廣東話，依家好似好過母語普通話添，哈哈。」Eric則說：「同佢錄第一首廣東歌好震撼，因為第一、二次錄音相隔個幾月，第二次錄好似變咗第二個人，廣東話已經好過好多歌手。」
Gin Lee於樂壇的發展起步困難重重，第一間唱片公司完約後就變成「孤兒仔」，幸有「天使」Eric出現，她說：「佢救咗我一命，當時喺香港冇人冇物、冇公司，佢問我有乜需要就搵佢幫手，我話都幾需要幫手，Eric就介紹咗啲唱片公司高層畀我認識，咁就簽咗依家間唱片公司！」
有問題唔敢同屋企人講
現時在樂壇獨當一面的Gin Lee回想初來港發展實在相當難捱，她說：「初頭遇到好多問題，又唔敢同屋企人講，驚佢哋擔心。」她慶幸每每去到山窮水盡的階段，總有朋友出現相助，可能與心態正面積極有關。
《尋》一連5集，訪問5位異鄉人，了解他們當初來港時，在全新環境下所遇到的挑戰，節目嘉賓除了Gin Lee，還包括金像獎音樂人波多野裕介、中國女排前隊長孫玥。