薛家燕日日撳鐘仔見乖孫

薛家燕及「Patrick Sir」林溥來昨日在電台分享湊BB經，孫仔剛1個月大的薛家燕笑言現時湊孫會唱《月光光》氹瞓覺，而Patrick就慶幸2個月大的囝囝剛戒了夜奶：「佢由瞓4個鐘、6個鐘就醒，到今日瞓足8個鐘先醒，所以我今日即刻好精神！」問到現時出門口可會捨不得BB？薛家燕笑言：「會呀，所以依家每日出門口前會去隔籬屋撳鐘仔，望一望個孫先安心。」Patrick笑言被囝囝「斟茶」很多次，薛家燕亦有被孫仔「敬茶」經驗。