陳欣妍學用丹田鬧交
藝人陳欣妍（Shirley）日前出席植樹活動，背上數公斤的植樹工具徒步上山種樹，她表示不時會相約朋友行山，但就冇預男友沈震軒，笑言相信自己在行山方面較男友擅長。
到達目的地後，Shirley小心翼翼安放樹苗，並為樹苗改名：「我當呢啲樹係自己仔女，幫佢改名叫『9527』，佢哋20年之後會同我差唔多高，到時我會帶埋下一代嚟欣賞我嘅傑作。」講到工作，她透露正為卡通片配音，更學會用丹田鬧交：「收到劇本之後梗係要練習，但係角色要我扮啲小朋友聲線，仲要不時撒嬌語氣添！原來配音真係好辛苦，依家學識用丹田去鬧人，所以冇咩嘢真係咪撩我鬧交。」