入圍港姐又一批 Nicole唔認係蒲精 關楓馨過關冇壓力

關楓馨便服打扮配波鞋去整頭，最緊要自在。

其他入圍佳麗包括「翻版吳謹言」王婳婳、「大鼻馮盈盈」余詠童 、伍韻婷（Juliana）、莫韻諰（Vincy）、盧淑儀等。Vincy被問到社交網上的性感「趷籮」泳裝照可會影響選美？她說：「性感相唔係好多，自己好鍾意運動、沙排、滑水，都係擺吓甫士同朋友影吓相，絕對唔係賣弄性感。」

「林作系列」全出局

Juliana在髮型屋坐足6個鐘，笑謂腰骨痛，她說：「第一次去salon漂染，喺美國都係自己上網學剪頭髮。」而馬嘉希（Nicole）更坐足7個半鐘，由紅髮染成深啡色頭髮，她透露經常染髮，紅、藍及紫也試過，雖然外表甚有「蒲味」，但她自稱不愛夜蒲。

Nicole坐足7個半鐘變髮。

入圍佳麗盧淑儀，與前港姐冠軍撞名。

此外，林作媽契女、之前由裕美陪同去第2輪面試的Bronte同樣落選，林作回覆：「我媽提名，不是我提名，我心水係Kirsten（東涌羅浩楷），明顯地，我同我老母對女嘅眼光唔一樣。」

Vincy否認社交網的日常照賣弄性感。

Juliana透露曾上網學剪髮。