爆喊呻:女一瞓碌架床咋! 蔡思貝自揭被「問價」最高200萬

視后蔡思貝接受清談節目訪問,直言曾因負面新聞影響心情,又指自己不喜歡將辛酸與人分享,寧願默默承受。對於圈中不少女星被「問價」,她承認亦有份,且自爆日前才被「開價」200萬﹗

蔡思貝、何雁詩及賴慰玲早前接受林盛斌(Bob)與江美儀主持的無綫J2綜藝節目《Mean Talk》訪問,期間幾位好姊妹真情流露,又大爆另一好友陳瀅鮮為人知的一面。Bob直指思貝入行7年,已傳出15單緋聞兼被封「姣精」,她坦承因負面新聞影響心情,曾感到不開心:「始終都唔係讚,但我覺得有原因嘅,頭幾年我真係唔太識(避忌),當係跌一下上一課囉!」

「我有骨氣」

江美儀隨即追問她「千萬買車及買樓」的新聞,賴慰玲與何雁詩即幫口代為澄清,力指思貝「慳慳埋埋先有今日」,Bob亦指曾目睹她「揸爛車」,此時蔡思貝忍不住落淚說:「有啲人辛酸會公諸於世,我唔係咁樣,我係有骨氣嘅。一路以來無論傳媒講乜,我一次都冇澄清,只專注工作,冇人知道所謂嘅女一其實住200呎、兼瞓碌架床咋!」當提到「娛圈問價事件」,她取出手機展示錄影前一天才收到的問價內容,透露最高試過被「開價」200萬。

丁子朗約會湯洛雯不果

而前晚播出的一集,丁子朗憶述當年拍劇試過不斷NG,遭幕後冷嘲熱諷,「女神」湯洛雯見狀即出口解圍:「新人係咁,佢第一次拍劇。」更捉着他在廠內行了一圈,以行動力撐。江美儀即追問:「咁點解唔追靚湯?」他說:「我有約過佢睇戲,但最後冇出到嚟,嗰時我有啲嘢想請教佢。冇幾耐佢同馬國明喇,我唔係追佢心態㗎!」