方紹聰赤腳遊港籌百萬
藝人方紹聰（奶仔）發起「赤腳行香港一圈」籌款活動，昨晨起步，預計用6日5夜時間赤腳走遍香港17區，籌款幫助貧窮地區沒鞋穿的兒童及慈善機構。他最開心有朋友看到直播立即捐款，另有年輕人中途加入共襄善舉，令他感動。
問到身體情況如何？奶仔說：「有啲攰同痛，但諗起善款數字就即刻忘記晒。（依家大約籌到幾多？）連埋禮品已經過100萬，呢個就係我最大嘅動力，呢6日幾辛苦都冇問題！（擔心天氣太熱，會支持唔到？）少少，不過教練全程喺身邊，大家放心。另外腳底有保護貼，比較舒筋。」並透露好友郭子豪及何廣沛等稍後亦會同行。
至於陳蕊蕊到場支持，平日有做運動的她指疫情下增磅不少，打算多做運動減磅，因為已到夏季，要預備泳裝下水。