陳自瑤悶爆Sell貨捱批

早前在《好聲好戲》奪冠的YoYo壓軸出場，卻因過於緊張搞到騰騰震，未能在限時內完成整套推銷，遭顧客代表狠批：「真係成分鐘都唔知你賣乜！」商家團亦形容其表演「沉悶」。YoYo隨即淚灑人前，返回後台繼續崩潰爆喊並自責：「我真係做得好差，我諗好多年都冇嗰種挫敗感！」主持鄭裕玲即出言安慰。

另外，一眾藝人各出奇招，黃建東穿「西瓜裝」賣西瓜，黎諾懿及陳嘉佳則不約而同大減價「以本傷人」，後者更自恃有「津貼」以特惠價50元賣出大批花膠，後來才發現自己要倒蝕4,000元！