港姐大改造 爆粗Chloe入圍 Fiona變髮脫「娘」

Chloe以性感打扮現身！

《2021香港小姐競選》經過2輪面試後，據知入圍準決賽佳麗人數為28人，眾人分批進行「改造」，昨日原定15位佳麗會到髮型屋「變髮」，但最終1位佳麗請病假，只有14位現身。當中被指是大熱人選的梁允瑜（Chloe）、「豪放版方媛」陳聖瑜、「健碩麥明詩」Carina及葉靖儀（Michelle）統統入圍，而連續兩年參選的賴彥妤「翻兜」成功。

到場佳麗全部「封口」，只肯透露姓名、歲數，唯獨Chloe開「金口」受訪，雖然跟陳懿德同樣以Tube Dress上陣，但她大晒線頭兼修長美腿略勝一籌。問到有否被爆粗片影響心情？她表示沒有：「係以前過去嘅事。（怕唔怕會有更多黑材料流出？）以前過去發生咗嘅事我控制唔到。（比較大情大性？）都係，唔介意將情緒表露出嚟。」相反，打扮密實的有張嘉倩、姜嘉琳及梁菁琳。

Fiona	Jasmin自言會努力練好廣東話。	陳聖瑜順利入圍。

Jasmin唔介意似陳展鵬

約中午12時30分，眾佳麗陸續以變髮後新Look離開，最大分別的有陳詩帆及Fiona，前者由長髮剪成及肩短髮，她表示很喜歡新造型，感覺清爽，問之後如何備戰？她竟無厘頭答：「呢個你問人哋講啦！（你點備戰問其他人？）我比較怕醜。」而後者雖然瘋狂躲避鏡頭拒絕受訪，但見她激罕將長髮拆散，搣甩面試時的娘味，令人眼前一亮。至於日前複選後被本報影到攰到在港鐵車廂內瞓着的施茉莉（Jasmin）受訪時指參選期間會盡量做得更好，說到上屆冠軍謝嘉怡都是混血兒，她笑稱不清楚，又說：「會努力練好廣東話。（有人話你似陳展鵬？）我有睇佢社交平台，覺得佢幾靚仔，所以如果似佢都唔介意。」身穿粉紅色貼身吊帶裙的Michelle，社交平台有大量火辣水着，她笑言喜愛戶外活動，之後會再勤加操練保持苗條身材。