JuJu拗柴死頂起飛腳
女星司徒鈺芸（JuJu）早前到泰國拍攝劇集《五行刺客》（Wu Assassians）的電影版，在當地逗留3個月。她透露首日練習動作戲已不慎受傷：「我喺空中720度轉身踢腳時落地拗柴，都拗得幾嚴重，不過敷冰後堅持唔睇醫生，後來腫得好犀利，但都繼續忍痛練習，好彩正式拍攝係一個月後，隻腳已經好好多。」
JuJu稱今次拍攝的拍檔是舊班底，很開心可以敍舊：「拍攝期間我生日，成班演員同我High Tea慶祝，前後食咗5個蛋糕。今次新加入幾個泰國影星，佢哋熱情又好客，帶我哋去芭堤雅行山同食海鮮。」
另外，JuJu的導演老公司徒永華亦有同行，2人抽空到芭堤雅度假3日，順道慶祝結婚紀念日。她又指疫情下拍攝是難忘體驗：「每隔2日就要做一次檢測，我做咗超過40次，真係好難忘。」