藝人林秀怡於今日首播的無綫新劇《欺詐劇團》再演單親媽媽，日前出席公開活動時，透露已是第3次演該類角色：「今次仲要爭輸撫養權，為夢想放棄啲嘢，其實我都演過好多唔同嘅喜劇，但呢套個角色成日都要黑口黑面，有時喺廠都想同現場演員玩，因為大家都好好傾，但一埋位就要即刻收番情緒，呢個真係考起我！」
她更指劇中演其女兒的小演員雖然只有6歲，但演技非常了得，一聲令下便能流出眼淚，毋須別人協助投入角色，非常犀利！問到有否擔心此後成為御用單親媽媽演員？她笑說：「都驚！因為都踏入30歲，好多人呢個年紀都成為媽媽，希望唔好被定型住，我其實仲演到後生女嘅。」
