楊詩敏（蝦頭）、張建聲及新進歌手藍杰前晚現身音樂直播，張建聲自言很怕唱歌：「我對唱歌有驚恐，好多年前喺內地登台，去到高音位唱唔到，我就將支咪遞畀觀眾。我好清楚自己歌喉，所以都係專心做演員，今次嚟唱歌預咗被朋友笑。」
提到他有份參與的ViuTV節目《嫌疑事件簿》惹負評，他表示有留意網上意見，要求劇組剪輯加長版，問到有否收看無綫同類型節目《死因有可疑》﹖他說：「冇，大家各有各做，最重要係有得揀。」他問蝦頭有否捧場？女方笑言：「兩邊都冇睇，我要綵排舞台劇，之後兩邊都會睇番。（睇邊套先？）睇張建聲先，佢演過我老公，方力申只係演過我男友，仲要飛咗我！」
