陳凱詠頸椎移位 死頂照開工
環球歌手陳凱詠（Jace）早前推出歌曲《天生二品》、《隔離》反應好，乘勝追擊再推出新作《I Wish》，她挑戰2周內學識踩Roller，待拍MV時施展新技藝，可是訓練過程令其頸椎移位兼周身傷。
她說：「練習嗰時腳、膊頭都痠痛，又整親pat pat兩次，要好似條蟲咁爬起身，連小朋友都走埋嚟安慰我。初時Feel到啲痛係沿住尾龍骨上頸，拍MV要吊威吔，發覺向唔到後就睇醫生，話我頸椎位凸咗幾舊出嚟，歪咗！」接受幾次物理治療後，患處仍感痛楚，雖然她擔心體魄不及以前，但她工作時全情投入，會將傷痛拋諸腦後。