新片去年煞科又添波折 郭富城唧時間急補拍

郭富城、任達華以及台灣女星賴雅妍主演電影《斷網》可謂波折重重,去年4月在疫市之下開拍,之後一度出現資金問題需暫停,後來問題解決得以重開,並於去年10月煞科。本以為完成後期製作便可順利上畫,但最近卻又傳出該片因未盡完善,監製鄭保瑞急「吹雞」補拍!由於涉及十幾組戲,要夾眾星檔期成為一大難題,幸而城城、任達華及林家棟等都排除萬難配合,當中城城更不惜戲接戲,用盡方法度期,為該片補戲後立即埋位拍新戲。

盡顯影圈團結

至於早前還在跟古天樂拍攝《惡行之外》的林家棟,亦獲劇組「幫拖」趕拍其戲份,讓他有檔期補拍《斷》片,眾志成城,盡顯影圈團結一面。

對於《斷》片出問題急需補拍,監製鄭保瑞受訪時說:「其實補拍好正常,我幾套戲都有補拍。(城城檔期好難度,佢都即刻幫手?)係,Aaron好好,大家都好幫手,任達華、林家棟都有補拍。」並透露現階段只欠林家棟一日戲,其他演員經已完成補拍。至於影片上映日期,他說:「因為後期特技都要搞半年,所以暫時都未定到。」