感激爸爸返港相伴 劉穎鏇：佢好偉大
劉穎鏇（Tiffany）2016年參加香港小姐奪得亞軍，決定由美國來港發展演藝事業，其父不惜放棄當地工作，來港陪伴照顧愛女，Tiffany說：「其實由細到大，因為爹哋要專注工作，都係媽咪照顧我多啲，細個相處時間少啲，所以同爹哋唔算超級Close。但選完港姐返香港，因為我係屋企獨女，佢唔放心我自己一個喺香港，所以嚟咗香港陪我，呢個決定好偉大。」
兩父女在港相處數年，感情大大增進，閒時會一齊行山，有說不完的話題。她笑言父親廚藝突飛猛進：「呢幾年同佢喺香港住，由細到大佢好少整嘢食，但為咗我上網學，真係好叻。近期因為想我飲多啲湯水，仲學埋煲湯，爹哋真係好叻。」