古巨基囝囝疑夢遊：同太太輪流睇住佢
古巨基前晚亮相網上節目擔任嘉賓，與主持孫慧雪暢談迎接第2個父親節的感受。他透露為囝囝改英文名「Kuson」，中文名「古晉匡」則是太太找測字師傅改。他難忘囝囝首次講「爸爸」及「I Love You」，最心痛則是兒子首次打針：「未見過佢喊成咁，媽媽唔敢望住打落去。」
基仔坦言於家中飾演「衰人」角色：「因為佢性格係八卦仔，乜都要知、乜都要掂，有啲危險嘢我會阻止，但媽媽就會乜都畀佢搞。」又大爆1歲半的囝囝疑有夢遊情況：「夜晚佢瞓瞓吓，會坐喺度或者爬，所以依家我同古太會輪流通宵睇住佢。」之後他分享對囝囝唱《傷追人》的片段，見Kuson竟然聽到流淚，楚楚可憐的樣子十分搞笑！