胡楓喉嚨痛 開騷靠執生
資深藝人胡楓（修哥）今日於紅館舉行《胡楓約你開心派對2021》演唱會，昨日下午約3時半現身紅館後台進行拜神儀式，他甫見傳媒即揮手打招呼，不過全程未有說話，相信要養聲。
完成儀式後，工作人員拿燒豬遞給修哥，但他指着喉嚨婉拒。他受訪時輕聲表示喉嚨有少少痛，問到會否擔心影響演出？他笑言：「你估我擔唔擔心？（見慣風浪唔擔心？）我係見慣風浪，但喉嚨未見過風浪，哈哈！到時執生啦！」續指已看醫生，但沒食特效藥又沒打開聲針：「為咗一場騷，打針影響身體唔係咁好！有飲鹹竹蜂、胖大海、花旗參，晏啲去攞中藥。」