胡曦文學兩招同男友玩情趣
商界女強人胡曦文昨日現身美容界活動，有投資美容護理產品的她，自爆私下甚少做Facial放鬆，一年最多去一次：「普通清潔，屋企搞就掂，一去就冇咗成個晏晝，但每次去都好享受嘅。」鍾意唱K的她又謂剛網購了卡拉OK機，隨時可在家開騷，而下一步計劃是買按摩機：「有學過醫療按摩，識按啲穴位。（同男友按摩當情趣？）都有，但最多5分鐘！其實我學嚟都係想教佢，然後佢幫我按！今個夏天想條腰幼啲，再Fit啲影輯泳衣相。」
同場的口罩小姐亞軍「阿姨」除蒨寧，以化妝師身份出席，她指即使有亞軍銜頭都冇提升收費：「覺得化妝界同演藝界係兩回事，唔會話參加完個比賽，化妝技術升到飛天，依然會繼續努力。」並透露最近有接廣告、代言，主要以健康為主，跟內衣合作都是晒健康性感。