人氣急升添壓力 姚焯菲爬炎明熹頭 爭獎唔係贏硬
人靚聲甜的姚焯菲因獻唱《戀愛預告》而被封為「國民初戀」，吳業坤更是其鐵粉，對此她笑言批准對方做其歌迷會會長。對於「《聲夢傳奇》觀眾熱選大獎」，人氣高的她謙稱不是贏硬，而炎明熹對於被對方超越亦謂沒有不開心。
無綫選秀節目《聲夢傳奇》大受歡迎，晉級第10集的9位參賽者包括大熱炎明熹（Gigi）、姚焯菲（Chantel）、鍾柔美、林君蓮、文凱婷等人前晚到將軍澳電視城綵排。其中Gigi及Chantel孖住受訪，講到Chantel選唱《戀愛預告》的片段在網上熱播，她更被封為「國民初戀」，吳業坤都稱是其鐵粉，要做其歌迷會會長，對此她坦言：「竟然有個唱歌咁好聽、咁仰慕嘅歌手咁樣講，因為我好鍾意聽佢唱歌，所以一知道嘅心情好複雜，以為自己發夢，要打吓自己，哈哈。（畀佢做會長？）OK，批准！（有機會想同佢合作？）都想，全部歌手都想合作。」
Gigi同自己鬥
對於唱《戀》的片段在短短10日已逾200萬點擊率，Chantel謙稱：「揀呢首歌因為大家話啱我唱，首歌好Sweet，開心大家鍾意。」Gigi對於被Chantel超越則謂沒有不開心，認為最緊要幫到收視，亦謂沒有視對方為勁敵，因只會跟自己鬥，Chantel亦說：「15個參賽者都係戰友，一齊進步。」
講到現特設「《聲夢傳奇》觀眾熱選大獎」，問到人氣高的Chantel可覺贏硬？她謙稱：「又唔係，大家都有好多支持自己嘅人，會做好自己，人人都有機會。」講到她們現時人氣急升，問到可會反而有壓力？她說：「壓力嚟自自己，因為今次多人鍾意睇，唔可以令大家失望，下次要做得更好。」Gigi亦坦言：「壓力一定有，只要唔畀自己壓力就OK，依家係要搵解壓方法，不過我仲未熟悉自己，所以仲未搵到方法，但一定會盡力做好件事。」