33歲古巴女星Ana de Armas今年1月與48歲美國男星賓艾佛力（Ben Affleck）分手，最近被爆已與37歲交友軟件Tinder副總裁Paul Boukadakis拍拖數月，有知情者透露：「佢哋由朋友介紹認識，Paul住喺奧斯汀，但有時會去德薩斯州同聖莫尼卡。佢哋花咗好多時間一齊，直到Ana離開美國去拍新片。佢哋進展幾好，Paul已經介紹咗Ana畀屋企人認識。」女方目前在西班牙馬略卡島拍攝Netflix新片《The Gray Man》。
Ana與賓佬去年合作電影《Deep Water》時撻着，不過拍拖約1年就和平分手。男方最近與拉丁天后舊愛「籮霸」珍妮花露柏絲（Jennifer Lopez）復合，日前被拍得在馬利布餐廳激吻。