霆鋒如願同偶像打餐飽 甄子丹見空櫈憶陳木勝 感觸拭淚

由已故導演陳木勝執導兼監製、甄子丹及謝霆鋒主演的英皇電影《怒火》前晚於上海舉行發布會，兩位男主角聯同藝人麥亨利、楊天宇及喻亢強勢現身，英皇集團主席楊受成因疫情未能到場，但亦特別拍片作鼓勵。

霆鋒坦言近幾年未有拍動作片，一直手癢腳癢，加上有機會跟子丹合作，令他大感興奮﹕「子丹係我偶像，佢所有戲我都睇過，仲模仿過佢嘅唔同情節，結果打爛屋企好多嘢。」雖然2人多年前曾合作《龍虎門》，但當時有一大遺憾，霆鋒說：「佢演我哥哥，唔係對手。我好想同佢打，因為有身體接觸先有學習機會。（今次角色對立，願望成真？）一半啦！佢好遷就演員，掂到我前一秒就收手。」子丹笑指霆鋒喜歡被打，經常叫他用力出手：「我話『你唔可以受傷，傷咗冇戲拍。』」又自爆之前差點有機會在《新少林寺》合作，但他因檔期問題而未能成事。

霆鋒與子丹看到代表陳木勝的導演椅，眼紅紅落淚。

甄子丹於上海出席多個活動造勢。

另外，發布會率先曝光片中多個震撼場面，包括在香港尖沙咀一帶激烈槍戰及子丹與霆鋒在教堂終極對打等，子丹表示此片是他從影以來拍過最滿意的實戰動作片，又回憶陳木勝患鼻咽癌後的最後一段時光，指對方仍滿腦子是電影，子丹說：「佢曾經打畀我話從來冇試過咁痛，做咗幾次化療，人瘦咗，食唔落嘢，但語氣好精神，話題冇離開過《怒火》。幾個月後，佢話癌病擴散，但仲繼續講呢套戲。」

恩師座右銘放飯枱

霆鋒亦言這是他10年以來最滿意的電影，又指陳木勝是其恩師，19歲時拍攝對方的電影，揚言願意為對方的作品付出生命：「我飯枱上仲放住導演同我講過嘅一句話『堅守信念』，每次食飯都會睇到。」活動尾聲時，大會在台上放了一張代表陳木勝的導演椅，子丹與霆鋒見狀即忍不住感觸落淚，雙雙轉身抹淚，大合照時仍雙眼通紅。

另外，子丹前日連跑3場活動，除了為《怒》片造勢外，又以大使身份出席《上海國際電影節》的「一帶一路電影周」啟動儀式。