「細龍太」轉型賣豬 陳偉琪離巢冇得揀 波波胸狠接棒

陳偉琪、波波、謝東閔、余德丞、麥大力、名媛諸葛梓岐等，前晚到中環出席夜場開幕活動，場面熱鬧。

一直被傳因負面新聞而暫別《愛．回家之開心速遞》的陳偉琪，以透視裝兼露出5吋事業線登場，與「中門大開」的波波鬥胸狠。她透露已正式約滿無綫，希望繼續演戲，歡迎各方洽商。她坦言再演「細龍太」的機會很微，又指今次離巢非自己選擇，語帶無奈，而約個多月前她開始搞網上黑毛豬凍肉生意，反應不錯。

對於陳偉琪退出「無綫咪神」之列，波波隨即接棒，以意大利品牌性感內衣配西裝褸現身，記者問她為何如此「惹火」，她笑說：「上次行完內衣騷，覺得可以接受尺度大啲，挑戰唔同嘅服裝style。（公司畀咁着？）我哋每次出席活動嘅衫，公司都會過目。我今次係展示健康嘅線條，行出嚟最重要有自信。（有底線？）做人最緊要有底線，有啲嘢唔可以觸犯。」

謝東閔韌帶撕裂

謝東閔現身時主動向記者展示參加《明星運動會》、苦練拳擊留下的傷勢，又透露曾往醫院檢查：「因為發現右手冇力，醫生話係韌帶撕裂。（退賽？）未決定，同公司商量吓先。（你意願呢？）梗係想打落去啦。」