出戰陳自瑤 黎諾懿策略性帶貨

黎諾懿與陳敏之經常孖咇，乃幕前好拍檔。

黎諾懿請來老友陳敏之幫手打氣，被指「銷售額」暫列第4時，他說：「我嘅策略係中游，慢慢爬上去，好似我教仔一樣，唔包尾就得。」敏之又爆諾懿的兒子小春雞性格似足他：「佢戙高腳食飯，又成日同人飲勝！」諾懿笑指囝囝會主動要求「飲酒」：「佢要咪畀兩啖佢試！」但笑言幸而太太管教嚴，不擔心兒子學壞。

至於Yoyo昨日獲鄭裕玲大讚進步快有潛質，談到首集錄影時變喊包，Yoyo解釋：「我畀咗無形壓力自己，因為今次去咗個完全唔認識嘅範疇。」對於近日獲力捧，她說：「我會珍惜每個機會。（7月開劇係擔正？）我淨係知要開劇。（少咗時間陪囡囡？）真係少咗陪佢。」

陳自瑤	鄭裕玲主持新節目，並讚陳自瑤進步快。