張秀文認蠢 唔知男友出軌 游嘉欣黐人夫 方力申直斥「妖孽」

游嘉欣（左起）、方力申及張秀文於新節目鬥智鬥演技。

由張秀文、方力申及游嘉欣等主持的無綫查案遊戲節目《死因有可疑》將於周一播出，小方在節目中飾演偵探，與其他人要邊演戲邊找「真兇」，既考演技又考偵探頭腦。嘉欣透露最開心是獲安排飾演周柏豪的女友：「可以名正言順又拖又攬，合理化咁挨身挨勢，我已經唔在乎邊個係兇手。」小方提醒她對方已有妻女，嘉欣反駁說：「我係投入個角色！」小方搞笑地寸她說：「專業？係妖孽！」嘉欣認為節目中以郭子豪最具偵探頭腦，卻再被小方調侃：「你唔可以成日只係留意啲6呎幾高，48吋胸。啱啱講完柏豪，依家又郭子豪。」

手機螢幕向下擺：有景轟

秀文自言參與節目前自以為好醒，玩遊戲時才發現自己好蠢，問到有否試過揭發男友不忠或說謊？她說：「真係冇，我唔check人，但會分析佢嘅說話。叫我搵證據真係渣，喺節目度我影低啲證據，但全部都廢。」嘉欣則表示未拍過拖，但自認第6感強，擅長觀察朋友的面部微表情。

張秀文笑言拍節目後，才自覺唔夠精！

方力申笑游嘉欣只留意高大猛男。

至於小方指如果感到另一半有異樣，會從對方的社交軟件找尋蛛絲馬迹，又向嘉欣教路：「如果同另一半相處，男友將手機螢光幕向下擺，咁就代表心有鬼。」另外，講到曾有緋聞的陳瀅近日傳新戀情，小方說：「如果真，好戥佢開心。（講到你食白果？）冇所謂，我成日畀人講。」他強調目前單身，日日都在尋覓另一半：「我仲玩埋交友app，同4、5個人傾過偈，但冇約出來，約出來我會驚。」

此外，無綫為隆重其事，日前史無前例為《死》首集進行試映會，由導演好友楊潮凱擔任主持，與台前幕後20多名同事包括阮兒、麥皓兒、林沚羿、張馳豪等進行討論，分享觀後感。