Carman想揼百萬開舖
組合Bingo昨日到場支持好友方紹聰的赤腳行香港一圈籌款活動，Odilia揚言想試行：「我唔怕受傷，腳板底夠厚！」隊友Carman參加《全民造星III》後被指賺得6位數，但就慳家搭巴士，獲封「慳嘉敏」的她笑說：「我不嬲都慳！（賺咗6位數？）未必有，希望遲啲會有。」Odilia笑指老闆叫她們跑7位數回來，Carman即說：「如果有7位數，我希望可以做老闆，因為我依家有網店品牌賣T恤同帽，想開間舖頭仔搞大佢！」
而方紹聰表示會用6日5夜赤腳行香港17區共180公里，善款會捐助貧童及智障人士，因其家姐是輕度弱智人士，受惠於該機構。