胡子彤遭陳漢娜狂摑

藝人胡子彤、陶禧玲及導演馮智恒早前接受訪問宣傳電影《遺愛》，戲中胡子彤與陳漢娜（Hanna）有多場激烈爭執戲，問到有否擔心弄傷對手？他說：「唔使驚，一定會，哈哈。（奉旨打佢？）我唔想o架，導演要求我奉命行事囉。每次拍完我都會問Hanna有冇事，佢皮膚柔嫩，只係捉住佢隻手都會紅晒，真係好唔好意思！電影中最後會同佢攤牌，佢瘋狂咁打我。（真打？打咗幾多巴？）真打呀！20個NG，一留力就唔係嗰個感覺，所以我哋講好盡去。」