陳凱琳暫別幕前
藝人陳凱琳與曲奇品牌合作，趁生日推出曲奇及蛋糕，她昨日出席活動時說：「其實之前出過，就嚟30歲，想喺呢個時候做多次。（有咩生日願望？）都係簡簡單單，一家人切吓蛋糕咁。（今年出唔到埠慶祝。）可能去Staycation，玩完唔使我執屋。（老公鄭嘉穎畀驚喜，送間餅店畀你？）唔好啩！等如送寵物一樣，需要好多時間照顧，一啲都唔簡單。」
她表示以往整餅減壓，如今則用作親子樂：「試過同大仔一齊整，佢幫我放材料，其他嘢唔畀佢試住，驚搞亂檔！」而拍畢最後一集《日日媽媽聲》後，她打算多陪小朋友，短期內不亮相幕前。